ردوده غريبة كل ما أواجهه يتبرجل
ويعمل فيها متأخر ومستعجل
وأقول لّه في سري هي دي حاجة تتأجل
حبيبي بقى قول ما تتعبنيش
ده بيلمّح لي بس أنا عايز أتأكد
يقولها بصوته ويريحني ويأكّد
دي حيرة إيه وليه قاصد ومتعمد
يسيبني في نار ما بتسيبنيش
ردوده غريبة غريبة غريبة غريبة
يا خوفي بجد لا يكون شكي في محله
ويبقى حاببني بس البعد أسهل لّه
في ناس من القُرب بيخافوا وبيملّوا
وفي أسباب ما بنقولهاش
طب أعمل إيه لو ألقى الظروف بتمنعنا
وأسمّي ده إيه أكيد إحساس مالوش معنى
ساعات الحب يعمينا ويخدعنا
وياما حاجات ما بنطولهاش
ردوده غريبة غريبة غريبة غريبة